Mercado da Pedra e Rúa das Ostras · Vigo
Como chegar, historia e imaxes do Mercado da Pedra e da rúa das Ostras. Esta rúa é quizais, un dos maiores atractivos turísticos de Vigo, decenas de metros destinados á degustación das famosas ostras da ría de Vigo.
Como chegar a Mercado da Pedra e Rúa das Ostras utilizando Google Maps · Ver mapa
Descrición
A rúa das ostras é quizais unha das maiores atraccións turísticas de Vigo: deceas de metros destinados á degustación das famosas ostras da Ría de Vigo. Mantense a tradición ó longo dos anos: estas pequenas delicias son adquiridas directamente das ostreiras, e a súa degustación faise de forma natural, nas mesas das instalacións que se distribúen ó longo da rúa. Para maridar as ostras, a mellor recomendación é unha copa de viño branco con D.O. Rías Baixas.
Se a esta deliciosa experiencia lle engadimos un paseo polo mercado máis emblemático da cidade a poucos metros da rúa das ostras, a nosa visita á zona urbana de Vigo será perfecta.
O mercado da pedra ten moitos anos e, aínda que antaño foi máis animado e cheo de vida, é unha visita recomendada para os que queren ver un pouco máis profundamente a parte histórica da cidade. Antigamente era o único lugar en Vigo onde, por exemplo, se podían adquirir preservativos, xa que, segundo os comerciantes da zona, non habían nas farmacias, así como non había calculadoras científicas, moi solicitadas no momento. Houbo moito contrabando de cousas que trouxeron os barcos, como radios de automóbiles, manteigas, toallas de mesa e unha gran variedade de elementos.
Loxicamente, debido a problemas legais, este tipo de vendas foi prohibido e a popularidade da área diminuíu considerablemente. Non obstante, aínda permanecen locais con artigos interesantes que merecen unha visita á zona.
